難得入大埔 一search大埔美食就彈出呢間粉果佬 未去到店舖門口已經見到一大條人龍隊伍🤯
最後足足等咗45分鐘先有得食
店舖門口有寫每人限買30蚊燒賣同20蚊粉果 但可惜我地當日傍晚六點左右粉果已經賣哂😭
雖然人氣極高要大排長龍 但仍然保持平民價錢 無因為人氣而加價
等緊拎燒賣果時見到有位叔叔不停搓緊燒賣 每粒都人手包 唔知呢位係咪就係粉果佬🤣
終於有得食 排咗咁耐一個人都買廿蚊嚟食😎 燒賣極度煙韌 好有咬口 的確似係用咗鯊魚肉 但亦食到有啲豬肉 兩樣加埋都頗有驚喜🤩 真係未食過呢種口感嘅燒賣 同時亦聞到好香嘅味道 問返店員話佢地啲燒賣加咗冬菜 唔怪得知咁香🤤 但醬汁略嫌有啲普通🤓 如果下次再入大埔一定會再試😍
