中／日／韓。。今次就港式大排檔
♥“手抓骨“
-每次必叫的一道菜！蒜味香口
♥“豉椒炒蜆“
-通常大排檔每一檯都幾乎有既指定菜式！大大碟，細細粒，方便嗌多啲餸
♥“椒鹽9肚&鮮魷雙拼“
-猶疑緊食其中一味，點知伙計聽到，仲提議可以雙拼。滿足哂
♥“避風塘炒大蝦“
-小小辣，多多蒜，夠惹味！連手指都吮埋。。
♥“豉椒炒聖子“
-同炒蜆味同出一轍，口感差不多，只是多個選擇！
♥“啫啫通菜煲“
-暖住咁食。。好香口
大排檔夠鑊氣，小炒又香口又啱好多人口味，多選擇！環境夠自在又熱鬧，唔需要咁拘緊。。^^
一行幾個女仔邊映相邊食，啲餸陸陸續續上檯，密密食。。大家都食得開心，飽哂！
