為食妹 (Closed)

健康怪既我今朝同老公行左山，先敢話想食雞蛋仔同夾餅，期待左一整日。去西環見到要排隊，就打算響呢間買。一等就廿分鍾，就算落左單都要等，我覺得主要係佢地系統問題，而稱唔上係生意太好所以慢。雞蛋仔ok既，熱辣辣俾到我。好脆既算係。我最大讚賞係唔太甜，無食媽咪雞蛋仔既油膩邪惡感。夾餅就有好大進步空間。佢搽既醬超少。連我呢個走醬怪都無意慾叫佢少醬(不過我係叫左走糖)。響少醬既情況下，佢既夾餅都唔脆身，成個林身既，同低調高手既質素就真係相隔太遠。