Whitewood Coffee (Closed)

今次介紹的呢間Cafe，係我曾經都幾鍾意既一間Cafe🤫因為佢好近我屋企，有時唔想留係屋企做嘢就會成日去🙈呢間都出名食厚pancake～最近佢pancake形式由3⃣️件轉左2⃣️件，價錢都減低左，唔知會唔會好d呢ಠ_ರೃ～～～～～～～～～～～～～～～～～～～～♪ 抹茶黑糖厚鬆餅 $ 58 (2pcs) (6/10)其實一上黎個人已經唔係太大感覺係好味，可能係因為用崩左一角既碟啦(　ﾟдﾟ)而且食落都唔太熱，但係明明都等左一段時間🤭講返味道，我覺得真心冇以前咁好味🥺食落有d似食麵粉咁既感覺，好似食緊pat嘢，但味道正常。抹茶醬太甜，配上黑糖本身應該係冇死的組合，但抹茶一pat嘢咁毫無美感，同埋食完好濟😔真心退步左好多，以前我好鍾意食的，實得黎有d空氣感。♪ Hot Latte $42 (7/10)呢杯對我黎講都係一杯唔太合格的Coffee，個人認為有d酸，但係拉花都算不錯，勉強合格🥺～～～～～～～～～～～～～～～～～～～～真心認為，呢間要再做好d，因為今次去食其實冇以前咁多人，質素keep唔到反退，而且服務方面都欠奉，冇Cafe既感覺。賣點都keep唔到質素的話，好容易被淘汰的。