雞肉麻辣米線
因為唔知佢辣度如何, 所以第一次就叫微辣試試先. 一放上枱, 好驚訝下午茶都有咁大碗! 熱辣辣聞落都幾香, 米線除了自選餸料還有腐皮、芽菜和韮菜, 份量都相當多, 令到整碗米線感覺蠻豐富. 呢度既米線係比譚仔粗身,質地偏林林地的, 自選餸料-雞肉雖然份量都有唔少, 但就有少少鞋, 唔係太好食. 湯底方面, 可能因為我叫了微辣, 所以麻辣味不明顯, 淨係食到有少少辣味. 而且食完米線都好口渴了一段時間, 相信味精都唔少..
烤麻辣雞翼
跟下午茶套餐有兩隻, SIZE略細隻, 不過係即叫即焗, 食落口香脆燙口, 內裡的雞肉都仲保持到肉質嫩滑, 麻辣香料幾惹味, 食完兩隻都有D唔夠喉. 下次會再食呢度既烤麻辣雞翼.
