蓮香老餅家 (Closed)

兒時食過的大蛋糕，顧名思義 SIZE 真係好大個，小朋友如果可以一人食晒，真係超勁！ 最經典的製作模樣就係上有瓜子片，底有蓮蓉餡，仲有一塊紙黏著 (細個成日忘記先搣開塊底紙，次次都會咬了一口紙才恍然！)。說真的，而家好少餅舖會出呢種大蛋糕，就算有，底下都沒有那像 "BINGO" 和海底撈月的蓮蓉餡。早幾日偶爾行過蓮香樓，見到有呢款大蛋糕，不得不買回家緬懷一番。獨立袋裝，有膠紙封口，時代變遷也要與時並進講究衛生。個袋子是透明膠袋，上以大紅色印出店名等資料，沒有多加的設計和誇飾，一切如昔的規矩踏實！雙手捧著這大蛋糕，兒時往事及舊香港情懷登時湧上心頭。 蛋糕溫度仍然微暖，瓜子不致 "UN" 牙，與軟熟的蛋糕質感相映成趣。吃著吃著，最最最期待的一刻終於來臨，就係：快要食到最底下的蓮蓉了！ 可是，我又係一貫的大頭蝦，要咬了一忽的底紙才恍然食前沒有將之搣走......口裡食著這大蛋糕，不變的是那種溫熱人情味，以及食者老是忘了的習慣。