煙三文魚凱撒沙律 （$48）呢個沙律酸酸甜甜咁幾清爽，係一個幾開胃嘅前菜～ 沙律面仲鋪上芝士絲，豐富左個口感～
香城安格斯牛漢堡 （$98）我地可以選擇漢堡扒嘅生熟度，揀左7成熟，但食落都係全熟😂 肉味濃郁，整體感覺唔錯～ 佢嘅薯條都好好味，係我中意嘅厚切薯條，雖然話係同朋友share嚟食，但其實大部分薯條都俾我食哂🤭🤣🤣
香煎澳洲黑毛安格斯西冷 （$168）選擇左5成熟，可能因為我地放左一陣先食，所以到食嘅時候呢個生熟度勉強唔算太老，但佢都幾有咬口下😂 我反而中意佢混入薯粒嘅薯蓉，香口軟滑得嚟又有薯粒咬下，口感豐富☺️
海鮮自家製墨汁烏冬 （$118）醬汁方面有香辣蕃茄汁/咸蛋黃汁選擇，我地選擇左後者，但其實咸蛋黃味唔算好濃～ 扁長嘅手工意粉質感軟淋，口感幾特別～
其實以呢個價位嚟講食物質素算不過不失，如果住附近嘅話不妨嚟支持下💛💛
