之前OpenRice 都有search 下有乜好食，但真係太多，
路過呢度見到個好吸睛嘅k pop MV，
揭下門口餐牌，就決定坐低。
Aidan 主打韓式料理，
亦相當多元化，今日食個小食，一個主食，天氣熱當然要翻杯啤酒🍻。落單2分鐘已經有啤酒，
再等3分鐘所有食物已熱辣辣送上枱。
今晚叫左個炸紫菜卷同泡菜肥牛炒粉絲。
炒粉絲份量都唔少，眼見都有肥牛、紅椒、幾款菇類、翠肉瓜、泡菜，食落口有少辣，粉絲偏向多汁，所以每一啖都有掛汁
，食落口感豐富。
炸紫菜卷無諗過，外皮炸到好香脆
咬落口，原來都係用粉絲、紅蘿蔔粒同少少蔥粒做餡，好彩本小姐一向好鐘意食韓國粉絲，所以好快趁熱食晒
埋單都係$200左右，食咁豐富，捧住個肚走，CP值爆燈吖👏🏼😛
