又講到自己個叉燒係第一叉
所以即刻去左試
去個陣唔知班夥計落左場食緊飯
衝左入去🙈
老闆娘(?)好好人咁比我入去坐住等
1
去之前睇openrice
見堂食會有琥珀合桃做餐前小食
本身諗住問下老闆娘有無得單買
佢就即刻會送既比大盒d我😍
呢度既分量去鰂魚門紹x園買都要$3-40蚊
合桃唔會有油溢味同苦 都幾鬆化 唔會痴牙
但無紹x園咁厚實
但送既黎講無得輸🤟🏾🤟🏾
本身係諗住去試賽螃蟹🦀️
點知佢地話疫情少左生意
就唔做 怕拆左蟹肉賣唔曬會變壞😨
所以最後叫蝦頭膏炒飯😂😂
飯既分量都幾多 炒得粒粒分明 唔會油❤️
但就食唔出蝦膏既味道
同埋佢d蝦係無味既😭😭
覺得呢個價錢可以做得更好🙈
壓軸係第一叉
一開盒嚇親😂第一次見咁厚身既叉燒
咬落去啖啖肉
仲要d肉質係勁淋‼️阿婆都食到
不過個汁就唔夠甜唔係好似叉燒🙈
不過題外話一下
我再去左一次encore第一叉
但好奇怪係叉燒同樣都係厚切
但肉質就正常普通叉燒咁
而且多左勁多蜜糖(?)
似係唔同師傅既出品 質素唔太穩定😣
因為第一次好食太多😣
唔知同我好夜先去買有無關係🤔
落單個陣老闆本身要收鋪但最後接埋我張單
之後應該會再去多次
希望質素會好返啦😭
