Dining at Home IZAKAYA

以前有幫襯開呢間餐廳，不過近排少咗，過咗一排無幫襯，員工有新面孔，餐廳裝修就一樣，都算坐得舒服，員工態度一般，正常。但係食物就嚇親我，我叫咗串燒定食，估唔到燒到咁燶，多處焦黑色。竟然廚師覺得無問題，上菜員工見到都唔覺得有問題，係有啲失望。咁先食咗啲無燶，後來叫員工幫手剪咗啲燶嘅先再食，點知剪緊嘅時候，另有員工想收走我果半碗飯。新年留留真唔好彩，遇上咁多失誤。而友人嘅丼飯就正常水準好食。希望餐廳會留意呢啲意外失誤，有所改進能好好保持水準。