揾位有點難，因為真係好爆場，坐滿哂人，周圍都係食豬扒雞翼飯，成個場好香豉油味。餐廳人手好少，似係家庭式經營，兩個後生仔女，一個叔叔同一個女人負責樓面，落單時，友人叫左叔叔唔該收一收枱面，怎料叔叔好大聲「唏，收枱下嘛」同枱其他人都比佢嚇一跳，因為真係好大聲，然後見呀叔同下一枱講野都一樣似食左火藥，其他店員服務態度都好好，正正常常。
食物質素好，豬扒夠腍而且好入味好大塊，雞翼會分上，伴住一兜豉油汁，我全兜倒落去撈飯，超惹味又不會過咸。飯有少少椰菜底，但飯量略少。
另外，漏單錯單情況非常嚴重，經常聽到隔離左右枱嗌爭野，多數係上左豬扒飯但成碟豬扒飯食哂雞翼都未黎，我們等了若近半小時才到，流程有待改善。
