久不久都會想食上海菜，新北江呢間真真，出名嘅係上海粢飯同豆漿，不過今日已過lunch hour好耐，想食啲飽肚嘢，一於食個多餸上海麵！
酸辣香炸雞翼麵$44
配菜有雞全翼x2 雞槌x2，4件雞先$44，十分抵食。外皮炸得香脆唔油膩，上海麵掛湯。配料仲有啲豬肚絲、筍絲、鴨血同豬皮，好豐富。
炸獅子頭半碟$26
獅子頭炸得唔乾柴，外面金黃香口，咬開有油脂咇出黎，豬肉鮮香味美。
凍豆漿$12
荳香味醇，似係自己新鮮磨成，面層泡泡久久不散，仲有豆蓉嘅口感。非常清甜！呢杯豆漿有驚喜。
新北江舖位唔大，呢間唔會放太多張枱，變相座位闊落啲，食得舒服好多。
9
31
