, 紫色控一定要黎朝聖打卡呢間住於旺角既酒吧餐廳基地叁Base 3, 日頭可以黎飲下coffee, 夜晚可以黎飲酒, 我就一次過試晒咖啡,酒再加埋食晚飯
2
1
基地海鮮湯非常足料, 見到有帆立貝, 蝦, 魚肉, 魷魚, 多士等等配料, 令到個湯好鮮甜, 又啖啖肉, 超級好飲
呢個係三文魚他他, 乾冰效果拍片影相一流, 用田螺裝住三文魚餡, 好特別, 配有三塊多士, 口感一流
, 每塊多士都可以鋪滿滿滿的三文魚, 份量啱啱好 
基地叁重奏用三層架分開放, 好靚呀
, 包括有紅衣海鮮酥盒, 黑松露野菌酥盒, 法式田螺, 口感好酥脆, 最鍾意食黑松露野菌酥盒, 好好味
玻璃紙焗比目魚加埋檸檬, 酸酸甜甜, 好開胃, 食到停唔到口, 湯都飲得一乾二淨
最期待既都係呢道栛枝木煙燻M8和牛腹肉, 用木箱裝住成個畫面好壯觀, 無肉不歡既我見到呢道菜真係忍唔住係咁流口水, 牛腹肉睇落真係好吸引, 即刻放一舊入口,
難得形容的嫩口, 入口即溶, 超級好味, 沙律好新鮮好好味, 薯蓉好creamy, 加上醬汁, 成道菜配搭得好好, 味道好夾
飲品方面呢杯白雪公主Apple Pie, 果然冇改錯名, 好清新, 好易入口, 食完牛腹肉再加一啖白雪公主, 又升華去到另一個層次, 真係好好飲
最後不得不提呢杯香蕉朱古力咖啡, 首先拉花已經一百分, 拉得好靚呀, 完全唔捨得破壞佢, 我好小心咁飲, 飲到一半個拉花仲係好完美地呈現, 香蕉溝朱古力咖啡飲落味道好夾, 唔會太甜, 口味好幼滑, 好飲
