Video
Read full review
2017-07-18
1058 views
（影片）假日下晝同人嚟到尖沙咀,試吓呢間Shine.雖然brunch menu嘅套餐好抵食,但我對佢哋新出嘅龍蝦菜式同甜品仲有興趣,咁就索性散叫啦.Fruits Tea入面有切片鮮橙,青蘋果,士多啤梨同藍莓,聞落清新,飲落有果味酸香.波士頓鮮活龍蝦配焗軟芝士西西里番茄醬圓管粉,賣相吸引.龍蝦肉厚鮮甜有汁,軟芝士焗得外脆內軟滑.底下仲有圓管粉,表面嘅西西里番茄醬微酸,幾惹味.試完主菜就急不及待跳去食甜品,玫瑰蘋果金寶用咗乾冰營造好似瀑布咁嘅夢幻效果,就咁睇已經覺得開心.餐廳將切得透薄嘅蘋果片砌到好似玫瑰花咁,再用雲呢嗱雪糕,鮮士多啤梨,棉花糖,提子乾同朱古力碎伴碟,配搭都幾夾.特濃咖啡雪糕杯用咗奶凍,意式芝士餅,雲呢嗱雪糕同士多啤梨片組成,食之前倒埋啲熱特濃咖啡入去,雪糕冰凍,意式芝士餅軟綿,奶凍滑溜,咖啡甘澀同杯入面嘅甜味互相中和,一杯有齊多重口感,都幾得意.自製威士忌雪糕伴鮮果用原個起咗肉嘅鮮橙皮載住,上面嘅忌廉幾有奶香,下層嘅威士忌雪糕酒味唔重,仲撈埋大量鮮士多啤梨,奇異果,青蘋果同紅蘋果粒,連平時唔太飲酒嘅人都話唔錯.
（影片）
假日下晝同人嚟到尖沙咀,試吓呢間Shine.
雖然brunch menu嘅套餐好抵食,但我對佢哋新出嘅龍蝦菜式同甜品仲有興趣,咁就索性散叫啦.
Fruits Tea
10 views
0 likes
0 comments
Fruits Tea入面有切片鮮橙,青蘋果,士多啤梨同藍莓,聞落清新,飲落有果味酸香.
波士頓鮮活龍蝦配焗軟芝士及西西里番茄醬圓管粉
20 views
0 likes
0 comments
波士頓鮮活龍蝦配焗軟芝士西西里番茄醬圓管粉,賣相吸引.
波士頓鮮活龍蝦配焗軟芝士及西西里番茄醬圓管粉
19 views
0 likes
0 comments
龍蝦肉厚鮮甜有汁,軟芝士焗得外脆內軟滑.底下仲有圓管粉,表面嘅西西里番茄醬微酸,幾惹味.
試完主菜就急不及待跳去食甜品,玫瑰蘋果金寶用咗乾冰營造好似瀑布咁嘅夢幻效果,就咁睇已經覺得開心.
餐廳將切得透薄嘅蘋果片砌到好似玫瑰花咁,再用雲呢嗱雪糕,鮮士多啤梨,棉花糖,提子乾同朱古力碎伴碟,配搭都幾夾.
特濃咖啡雪糕杯
21 views
0 likes
0 comments
特濃咖啡雪糕杯用咗奶凍,意式芝士餅,雲呢嗱雪糕同士多啤梨片組成,食之前倒埋啲熱特濃咖啡入去,雪糕冰凍,意式芝士餅軟綿,奶凍滑溜,咖啡甘澀同杯入面嘅甜味互相中和,一杯有齊多重口感,都幾得意.
自製威士忌雪糕伴鮮果
18 views
0 likes
0 comments
自製威士忌雪糕伴鮮果用原個起咗肉嘅鮮橙皮載住,上面嘅忌廉幾有奶香,下層嘅威士忌雪糕酒味唔重,仲撈埋大量鮮士多啤梨,奇異果,青蘋果同紅蘋果粒,連平時唔太飲酒嘅人都話唔錯.
Post
