一共嗌咗4個小菜：韮菜豬紅，吊燒骨，黑椒薯仔牛柳粒，涼瓜炒鮮魷，同埋一個瑤柱蛋白炒飯。
韮菜豬紅好入味！！唔會好鹹，啲韮菜又啱啱好，唔會太生。配送既辣椒油都唔會太辣又好香👍🏻 5/5！
吊燒骨好香，有焦香👍🏻甜度啱啱好！5/5！
薯仔牛柳粒，份量比出面食開既明顯多！薯仔外焦香內軟（軟到好似薯茸咁香），牛柳粒唔會鞋唔會乾，所有野都啱啱好！5/5！
涼瓜炒鮮魷，涼瓜唔會好生好硬但同時又保留到涼瓜香，鮮魷都好好味！5/5！
最後係瑤柱蛋白炒飯！蛋白好夠，個飯好香，略嫌少少濕，但都好好食！4/5！
環境：闊落，坐得舒服！
食物：夠鑊氣，夠份量，夠香！
服務：好禮貌，態度好好！
