今次想分享幾款心水推介，每次必嚟到都叫呢幾款嘢食！
酸辣鳳爪沙律
泰國冷盤嚟講，我最鍾意就係食酸辣鳳爪，呢個酸辣鳳爪沙律味道好開胃，酸酸甜甜嘅醬汁！
香葉辣椒肉碎飯
重點推介呢個香葉辣椒肉碎飯，辣到適中，有少少香辣得來又唔會太過辣！好鍾意佢哋獨特嘅泰國香料味道！
泰式干炒海鲜河
呢一個乾炒海鮮河都唔錯，仲好食過香港地道嘅乾炒牛河！因為本身我都鍾意食海鮮，而且佢炒得好入味好有鑊氣！
冬蔭大頭蝦湯
冬陰功大頭湯都係好好飲，冬陰功本身酸酸辣辣都係好開胃，而且加咗啲大頭蝦落去，味道又更加鮮！蝦肉仲好彈牙又大隻！
