1
-
雖然話係香辣雞翼，但我覺得唔算好辣，反而係好熱嗰個辣應該真係即整！雞翼幾惹味，不過其中一隻個皮有啲位我嫌佢有啲焦，少少我都仲ok。
-
望落有啲似我之前介紹過既泡菜蘑菇，呢個一咬就feel到好多汁，一啲都唔乾淨淨，同埋見到面頭個啲芝士就好開心！但食落菇既味道稍為淡左少少，反而白汁芝士既味道比較出，白汁夠creamy，芝士夠香濃，又唔太漏。
-
全餐最欣賞就係呢個芝士軟殼蟹窩夫漢堡！窩夫好軟熟！軟殼蟹好大件，炸得好香脆，唔會太油膩，仲有個堆芝士！正！但由於佢太大份，我個口冇可能一啖咬哂，最後都係要分開續層續層食。而薯條就炸得啱啱好！完全食唔停口，但如果係粗薯條就更開心！
-
甜品黎喇！個樣幾靚！上面係焗過既棉花糖，面頭焗到少少金黃色，一叉起棉花糖呈半溶狀態，而棉花糖底下有朱古力榛子醬。夠哂甜，將佢地塗上旁邊既餅乾一齊食，外脆內軟，口感豐富！但由於當時太飽，得兩個人真係食唔哂，多啲人share會好啲。
