泰式蝦餅
炸得好香口，蝦膠彈牙，仲食到生蝦喺入真蝦喺入邊，點埋個泰式甜辣醬，作為餐前小食一流。
串燒牛肉、串燒雞肉各兩串
冇諗過佢哋串燒可以咁出色，熱辣辣上到枱，咬落去雞肉嘅嫩滑好驚人，佢哋嘅醃料大少少甜味，掩埋沙嗲醬一齊食，好惹味。一定要趁熱食，因為串燒啲肉凍咗就會硬。
生菜肉碎包
肉碎用泰式香料炒，酸酸辣辣，好開胃，加上佢哋嘅生菜好靚仔，新鮮脆口，包住肉碎食，令人不停食多幾卷。
胡椒蒜蓉炒魷魚
呢個真係超級好食，蒜蓉又多又香，炒鮮魷好餸飯，佢係濕嘅蒜蓉，所以唔會炒到乾身好苦，我哋直程畢啲蒜蓉嚟送飯，正！
