之前係附近行開千色o個陣經過見到呢間價錢好似好抵的台灣野!!
今晚叫左好多野食..等我介紹下先..因為有幾樣野我已經想再食喇~
首先講下D主食先..
我叫左個黑金剛豚肉飯同紅燒金牌牛肉麵!
佢份量好足夠, 真心呢個價錢冇諗過咁大份!!
佢個 - 黑金剛豚肉飯有好多片豚肉, 佢有D似叉燒的感覺但係食落又覺得口感好特別!
個飯配左有少少西蘭花有蘿蔔, 豆腐同埋半隻蛋!!肥的位置入口即溶架~
另外個 - 牛肉麵佢係分左湯的, 外賣最擔心呢個問題哈哈~
佢牛肉超淋, 嫲嫲話淋得黎又有牛味~
佢D麵係有D類似刀削麵的感覺的, 所以我好鐘意因為有口感唔會好淋!!
佢配左的生菜都唔算少~~份量亦真係大=]]]真係可以用大件夾抵食黎形容~
講下D小食先~一定要讚的係
佢個大腸包小腸同埋漿爆雞皮卷!!
呢兩樣係我會必定再食的時候ENCORE的小食呀!!
佢個 - 漿爆雞皮卷
超級JUICY!!!個皮又脆脆地加埋D雞油的香><真係好正~
重點係佢入面D雞肉仲係嫩嫩的~~~!!講起都掛住..有D後悔只係叫左一條!!
仲有佢個大腸包小腸~我影得唔夠靚!但係佢真係有係台灣食的味道
令我好想飛去台灣HAHAA!!
佢個汁好味, 腸又爆汁, 個大膠的飯比例岩岩好~~
我仲有食左佢個胡椒餅:
天母胡椒餅(牛肉) - 香胡椒味, 第一下食覺得辣, 但係之後食食下佢係香的胡椒~
餅入面有肉汁的~個餅亦唔會過份厚或者覺得好粉...
其實我未食過胡椒餅, 不過見佢張相就叫左黎試...
佢都唔細架又餡多.....所以..食半個都幾滿足了~~~
炸三角雞軟骨 - 我見呢家好多地方都開始唔係得雞膝軟骨, 見有呢個雞胸軟骨所以叫左試下,
軟骨好脆, 本身任何軟骨都鐘意食的我岩晒..拎到返去都仲係脆卜卜的~~~~~~
不過食炸野唔記得叫野飲的我蠢左><哈哈!!
