爽爽麵店 (Moved) New Location

我個朋友特登入嚟元朗探我， 佢話一直好想是爽爽呢一間餐廳， 今次我哋終於食到， 不過我哋係叫外賣返上屋企食， 我叫咗個豬扒 幼麵 ，佢叫咗個醉雞米， 如果你哋鍾意食雞嘅話， 可以選擇新鮮雞或者冰鮮雞， 新鮮雞大概五十幾蚊， 冰鮮雞就平啲， 大概平十幾蚊。 首先我想講嘅係雞入面有雞腎， 好好食好爽， 另外啲雞都好夠味啲醉雞好好食， 我特別欣賞個 幼麵， 變得非常爽口彈牙而且條條分明， 唔會攬埋一住， 所以個麵我食得非常開心。 最後我想講下啲豬扒個 厚度 都幾好， 而且佢係半肥瘦， 咬落去有少少肥肉嗰啲位甘香肉軟。