糖宮甜品專門店 (積信街)

Open Now

Now Closed

5月天氣持續酷熱，日日都有30度或以上，好容易中暑，所以不時好想食凍冰冰的甜品或糖水解溫。在大圍不少甜品店已嚐過，今次到糖宮了！洛重西 $68，甜品名好有趣，哈哈本來係$68，係 ig 或Fb 影相打卡，即減$10粉紅色是洛神雪花冰，還有西瓜波波、草莓、三色水晶粒、椰果等等，賣相100分。粉紅色的刨冰超搶眼，洛神花味道好真，不會太人工，甜甜酸酸幾開胃，而且口味又特別。內裡更有粒粒涼粉，西瓜又夠甜，洛重西確實每人即時涼浸浸，爽呀！夏天也不少得榴槤，「榴槤爺爺」$68表面佈滿好香D24榴槤肉、D24榴槤汁，每口都是濃郁榴槤香，再加上幼滑口感，心心眼😍更有QQ小丸子、西米、燉蛋白，整體配搭非法不錯，而個榴槤雪糕也是超級正。黃金芋圓糖不甩芋圓+咸蛋黃粒+糖不甩好有創意，芋圓點糖不甩粉已經夠味，芋圓質感可以再QQ，咸蛋黃粒份量可以再少一點，不然會太膩。