雖則店面細細但都有3位樓面員工
落單唔洗等
叫左個涼皮小辣加腩肉同腐竹+凍菊花蜜
因為疫情關係所以有提供即棄筷子
菊花蜜好快上枱
可能因為比你用黎解辣🤨？
我覺得甜左少少 但可接受
涼皮黎到望落都幾大碗 好足料下咁
腩肉係有醃製過既所以好夠味
配料炸黃豆都好好食
但D青瓜絲乾身左D
可能因為切好左放左一段時間乾左水
而對於唔係好食得辣既我
小辣係接受到既😌（食譚X10小辣的人）
1
食個時諗住撈下先食
但發現係好難撈既🤦🏻♀️
因為個碗唔夠大
所以撈個時D青瓜,花生碎飛左出枱⋯
食完涼皮叫多左個桂花冰粉食
都係足料既
食落好香桂花味
仲比我食到條桂花個條樹枝仔😂
最後就係覺得如果個涼皮可以加底, is
杯菊花蜜同冰粉可以凍D就好了😌
