今次既經驗令我唔會再幫襯!
首先用QR CODE點餐,
叫左個打卡好靚既多彩海鮮丼 $248 有10種 小丼飯 (勁靚)
同埋望月師傅特盛壽司 $248
因為叫哩個餐可以叫同款飲品買一送一, 平均$38一杯
所以叫左兩杯巨峰提子梳打, 味道都唔錯
點完餐後來想加兩件池魚, 就再加單
等野食黎果陣就聽到疑似經理既人企係我地枱附近好大聲責罵另一個員工, 詳細講佢地平時幾個人點樣做得唔好。
哩度都算係日本黎既餐廳..價錢又有返咁上下, 係唔係應該入房先罵呢? 同埋係好大聲
後來黎左兩個餐, 味道都唔錯~ 不過食完哂都未見兩件池魚黎
於是我就同一位女職員講仲差兩件未到
我見佢走去包壽司果個open area 問包壽司果3位職員, 之後其中一位(企係最入)都係穿住白袍既男職員極度大聲話: 上左啦！！！一早就上左啦！！！我好記得架！！乜乜號台
佢個聲量大到好多枱都聽到，個語氣掘到好似茶記澳牛d fd咁
然後個女職員比佢嚇到, 居然走黎問我: 你係咪肯定未上?
我知佢受驚過度, 但咁樣問客人係唔係想暗示我地食左但專登呃你兩件壽司? 只可以講間餐廳似係完全冇train過職員!
後尾佢check原本果兩件係送左去另一張枱, 後尾就補返比我地
真係冇哂心情, 帶住係日本分店食過既心情入黎享受咁既服務態度!
走果陣一句拜拜/下次再黎果D日式餐廳基本話語就冇
就算比而家再好食D都唔想買難受..:(
