Pancake House HoiHoi (荃新天地) (Closed)

荃灣新開咗一間來自日本名古屋食pancake 嘅餐廳😍😍 滿心期待同朋友試食。佢地都有 set lunch menu, 間中都會轉下款。套餐係包餐湯及飲品，今日飲到嘅係蘑菇湯，不過不失，係屬於一般有蘑菇粒粒嘅湯，帶有少少松露味。飲品方面本身係包檸檬茶、牛奶紅茶；亦有加$18 轉其他特別飲品；我同朋友都揀咗超級水果茶，滿以為係有一個茶壺，裏面裝咗好多水果個種，點知一上枱，係一個茶包寫住 “super fruit” ，咁樣就要加$18 🙄😰😰 我同朋友互望呆一呆，咁樣一啲都唔值要加$18。不過慶幸嘅係，你飲完，侍應會問你要唔要加熱水，都算係安慰😞香烤免翁牛柳配荷蘭汁伴薯菜牛柳點咗七成，但上枱感覺無七成，比較生，但食落還可以接受；牛味都幾香。薯菜有薯仔、紅蘿蔔，我覺得蔬菜份量可以多少少；荷蘭汁唔知應該配菜定牛扒😅 到最後都無乜點郁過 黑松露醬野菌 pizza 幾好食😋 皮薄，一上枱已經好香菇味😂😂 就算傾耐咗，凍食都一樣好食，算幾好👍🏻士多啤梨梳乎厘 pancake $138賣相唔錯，士多啤梨🍓伴碟都算多，份量有3 片； 食pancake 最期待嘅震震下做唔到，因為佢俾 cream 壓住😂