飲茶 (Closed)

//垃圾飲茶//小妹眼見呢間野勁多人食，又勁多人打卡，咁就去潮聖。預左貴，不過冇預左服務態度咁差🌝服務態度差都算，講番啲食物，四個字：不外如是。獨眼蝦餃($49)，皮厚又散；炒貴刁($109)，味道還可，但冇鍋氣，茶餐廳40蚊一碟仲好食；最多人食既公仔流奶包($49)，除左多左兩粒眼搞笑打卡之外，我諗唔到有咩咁特別好食；最離譜既一樣野係咩？係佢用凍水沖茶啊！可唔可以唔好侮辱左「飲茶」兩個字啊？你仲敢膽收每位$16茶芥？全店8成遊客，噢，明晒啦，唔係做你香港人生意架😀