名館 (Closed)

好耐無黎過言慎行街，原來上層有咁多野食！見到呢間咁吸晴既招牌，入面又人山人海，決定睇下佢個menu..原來係食粵菜，媽咪話想試下，於是就入左去lu~位置數量好多，有大廳都有得5張枱左右既小廳，環境裝修得幾舒服優雅一坐底店員就俾左杯水我地，飲左啖之後有點驚訝，原來呢杯唔係普通既清水，呢杯係蕎麥茶，茶味又幾香wor~養生既我就叫左蜂蜜杞子菊花茶，好清香既菊花味，蜂蜜清甜而不膩，成個感覺好清新、健康。糖心黑蒜燉響螺聽到個名已經好期待，以我所知黑蒜算係貴價食材，仲擔心呢個價錢會唔會唔足料。好喜出望外地味道非常出味，濃郁既黑蒜味，好正！黑蒜既味道有點似清淡少少既藥材味，好容易入口。響螺好鮮甜，大大粒好有咬口！佢地獨立一盅盅咁燉，飲晒d湯見到好多湯料，真係不惜工本落足料！難怪咁夠味！呢個精品三點有海蜇頭、青瓜、叉燒，海蜇就食得多，海蜇頭真係第一次食，咬落非常爽口，索晒醬汁既味道。涼拌青瓜好清爽，有冰涼既感覺。蜜汁叉燒好入味，唔會燒到乾晒。帆立貝上菜果陣「喳喳」聲，仲聞到陣陣香味粒粒都好大粒，非常惹味，醬汁沾滿了整粒帆立貝，而且大粒既咬落去比平時食開既更有質感！蝦球都食得多，柚子蜂蜜口味第一次食到，