唔係朋友介紹都唔識黎
餐廳裝修特別 左右兩旁有移動既雪景
仿如置身列車中 有種旅行既感覺
同行三人 叫左一個小食兩個主菜
小食係炸八爪魚🐙
好香口 仲有兩個唔同醬
一個係蛋黃醬 另一個係酸酸地既醬
個人兩款醬都好鍾意😋
前者令🐙錦上添花 後者可解油膩
之後就叫左微辣白酒蜆意大利麵
辣度對唔食得辣既朋友都接受到
淡淡既白酒再配上微辣 唔會搶過蜆既味道
蜆好新鮮清甜😋蜆既份量都幾多下
最後就係阿根廷紅蝦意大利麵配龍蝦醬
我個人比較鍾意呢碟多啲
因為呢碟濃味啲 好重龍蝦味(重口味人士🤣)
好香 蝦都好大隻又新鮮
推介👍🏻👍🏻👍🏻
