食堂只開星期一至六, 上午11:30到下午4:30, 看來只做附近工廠區的午飯生意。 原來食店是跟‘匠工房秀吉’, ‘燒烤屋’和‘神戶北之板’ 同一集團, 品質應該不錯吧!
位處工廠區, 裝潢不算是太講究, 倒有點飯堂的感覺。 不過光線充足, 地方清潔, 最基本的已做得不錯。 尤其對窗的一行, 感覺較舒服點。
快餐的模式, 先選擇食物, 付錢買票, 再到提取處端取。
選擇亦不少, 壽司, 拉麵, 咖喱飯, 便當, 飲品款式亦比其他快餐多。
炸豬扒弁當$50
份量非常多的碎上炸豬扒, 炸至金黃色, 賣相絕無欺場。 炸漿厚薄度適中而且脆口, 而豬扒沒有雪藏味, 厚身得來肉質鬆軟, 炸後仍保留肉汁, 比起好多炸物連鎖店, 這間確是做得很不錯。 還附上沙律醬和豬扒醬供沾豬扒食, 確是細心!
除了炸豬扒, 伴碟還附上炸蟹柳, 玉子和泡菜, 餸多飯亦同樣多, 差不多佔了便當一半! 再加上一碗麵豉湯, 吃罷這便當肚皮非常滿足, 難怪席上以男生居多!
炸雞肉弁當$50
非常豐富的便當, 除了有三大舊炸雞, 還有薯仔沙律, 泡菜, 炸蟹柳, 煙肉腸仔卷, 玉子和漬物, 很大堆頭呢!
炸雞同樣炸得不錯, 仍保持肉質的彈性和水份, 雖然只有三舊. 不過每舊都相當有份量。
薯仔沙律的沙律醬不會過多, 而且啖啖都吃到腍軟薯仔, 不錯。以為日式便當的泡菜會是一般貨色. 估不到味道也不賴呢!
炸蟹柳雖是雪藏粉條, 吃落都不錯。
煙肉和腸仔的配搭, 越是不健康的組合越是好味, 腸仔和煙肉亦炸得不乾身, 不算太油膩。
玉子雖然是凍, 蛋味亦不錯, 還要是厚切呢。
反而漬物的味道就較一般。
$50連麵豉湯, 超值抵食之選! 這款便當女生可以兩個share食都綽綽有餘!
也不要先入為主, 以為工廠區就只有碟頭飯。 這便當如發生於尖沙咀或灣仔區, 索價肯定要八十個大洋或以上。 食店雖位於工廠區, 以食物質素, 價錢合理, 開飯時間藍領白領都大排長龍!
