CHIMAC (大埔超級城)

Open Now

Now Closed

最近去咗大埔一間韓式炸雞快餐店chimac，環境好明亮乾淨，叫咗一個餐，裡面有6件甜辣醬韓式炸雞腿肉、2串魚糕串同韓式泡菜炒飯，仲有嘢飲tim，夠晒2個人食炸雞就一定要講下佢哋嘅甜辣醬韓式炸雞腿肉。我可以話係一絕！炸雞肉外脆內嫩，甜辣醬係佢哋嘅招牌醬汁，酸甜辣香，好開胃！停唔到咁食，越食越上癮。👍🏻魚糕串有2串，煮過後簡單調味唔會重，彈牙好食，有韓國地道風味feel。🥰經典嘅韓國菜式韓式泡菜炒飯，仲加咗紫菜，米粒鬆散，配上酸辣爽口嘅韓式泡菜，味道豐富而且有層次。平靚正就解決到一餐韓國風味嘅快餐真係唔錯，佢哋嘅炸雞味道多元，下次會想試吓其他味如芝士、蒜辣等🥹