八爪魚沙律
頭盤點咗八爪魚沙律，八爪魚啖啖都好滑好嫩，啱啱好嘅熟度，配埋帶少少酸嘅柑橘汁，開胃又唔會太重口味。呢道菜簡單清新，係一個好好嘅開頭。
海膽手工意大利幼麵
主打嘅海膽手工意大利幼麵真係正到冇朋友！手工製嘅意大利幼麵口感彈牙，仲吸晒海膽醬嘅濃郁鮮味。每一啖都有啲海洋嘅味道，但唔會太膩！
脆皮乳豬
主菜方面，脆皮乳豬係另一個亮點。乳豬外皮烤得非常香脆，入口嘭一聲，肉質仲好嫩滑，完全冇乾柴嘅感覺，調味都啱啱好，仲有少少汁料配埋，食落非常滿足。
提拉米蘇
甜品方面揀咗經典提拉米蘇，味道都好有水準。咖啡浸濕嘅手指餅乾加埋綿滑嘅芝士奶油，仲有微苦嘅可可粉，甜度啱啱好，食完唔會覺得滯，係一個好舒服嘅收尾。
1
