元氣一杯

Open Now

Now Closed

一向中意食日本野，之前去過幾間居酒屋比較大衆化，價錢相對地貴，坐底五百蚊落樓。最近同友人誤打誤撞搵到呢間元氣一杯，店鋪外面裝橫普普通通，一開始有點猶豫應唔應該入去食，點知入到去發現全場滿座，我地仲要等位添，見到有幾枱講日文既日本人，我地就知道呢間居酒屋一定夠地道haha！講返食物，價錢大約一百蚊左右一碟，前菜/小食更加平，所以大家叫多左幾樣一齊分享 首先係冷盤薯仔關東煮，身為一個薯仔控既我表示好好味，係差碗飯haha 再叫左炸豆腐，炸皮薄，豆腐好滑口。炸蟹餅，呢個好足料，但有點膩，食唔曬。然後有明太子卷蛋，明太子好香好惹味，反而卷蛋煎得有點老，否則呢個無得頂！再有燒鯖魚，又係有點老、有點鞋口。而炸蝦天婦羅蕎麥麵亦好好味，湯底清甜，炸蝦大只爽口，兩個人一齊食分量剛剛好。