Turkish Kebab & Indian Restaurant (Closed)

平時去到重慶大廈，好多時都係上咗樓，食某兩間特別出名嘅印度餐廳。今次試吓新野，原來地下果層都好多好嘢食！呢間家庭式小店地方唔大，但係好多本地人亦有香港人去食。我哋一行幾人叫咗幾份主菜同埋烤餅。頭先介紹吓呢個咖喱配黃姜飯，好重香料味加埋醬汁食真係一流！至於牛油雞都好正，個咖喱汁唔係太辣，好易入口，雞肉味道都唔錯，加埋烤餅食好開胃。另外呢個鐵板嘅天多利烤雞，絕對係是日重點，香口嘅雞肉有一陣陣嘅炭燒味，加埋鐵板上夠晒火熱。 另外不得不提佢哋嘅烤餅，每塊$10，價錢唔貴，但係份量好大，而且好鬆軟。