因為已經2點幾先入去，所以餐廳冇咩人
（好似好空 其實有枱有人嘅😂）
食物～
西蘭花忌廉湯
餐湯～一叫完餐就好快上枱～ 好少可飲到西蘭花味嘅忌廉湯，其實唔係好重西蘭花味 不過好和諧嘅味道
蟹籽日式鰻魚炒飯 $72
擺盤好靚😂
炒飯入面有好多鰻魚粒，加埋日式燒汁同蟹籽嘅味，真係好日式嘅感覺。蟹籽粒粒分明，好有鮮味。個飯炒得好有飯香，個汁味道啱啱好，唔會太鹹，仲令到成個飯嘅層次昇華。
美國水牛城雞翼
醬汁味道酸酸甜甜，又唔會太膩，調味剛好，有啲開胃，雞肉嫩滑，份量啱啱好。
咖啡
見到個拉花已經心動咗，奶泡好幼滑，飲落口又唔會遮蓋咖啡嘅味，咖啡酸度適中。
