喺尖沙咀K11扮去露營，野餐食焼肉。
今晚竟然搵到呢個好似戶外嘅餐廳，一入去就好有露營feel，可以令人即時放鬆，無拘無束與朋友圍爐，傾吓偈、嘻笑吵鬧，現場氣氛好掂、齊晒架生，有露營櫈又有露營燈，最重要有冷氣又冇蚊😆
食物質素好好，強力推介：牛三筋、厚燒牛舌、七味芝麻吞拿魚燒、燒肉拼盤（千/豬/雞），價錢仲要抵到你唔信，加上特色手工啤，同幾款口味爾必思都好正。我哋一行8人，盡情吃喝，都係$400左右一個人，呢個價錢自己買材料都食唔到🤩
氣氛環境太好、太放鬆，大家真係好似露營咁圍埋，一齊燒吓嘢食同吹吓水，好多笑聲，坐到舖家打烊都唔捨得走，好多以前一齊去wild camp，難忘的片段、笑到肚痛的回憶，全部返晒嚟，，最後大家依依不捨又喺路口吹咗一陣水，連老板同老板娘收埋工，路過見到我哋仲未散都笑我哋😆。
1
1
1
1
1
