環境精緻，感覺悠閒舒服，音樂啱聽，店員無一般文青cafe嗰隻串嘴（明就明),未食先開心。
-
🔸弄堂茶燻雞（$92）配茶事荷葉餅（即台式刈包）、藜麥柚子醋沙律🥗🔸
驚喜❣️個雞好香濃煙燻木香，仲有淡淡茶味🍵，調味香而富層次，唔死咸，肉質嫩滑，雞🐓皮都滑捋捋，真係肥都要食。
配菜都唔輸蝕，個包好熱好軟熟，有comfort food嘅感覺，沙律茶新鮮爽口，夾住雞件食，中和肥膩，減低罪惡感。
-
茶事沙律($78)配香烤酥餅，菜嘅種類同份量都多，食落一啲都唔空虛。
茉莉花抹茶柚子梳打（$48）、蘇打紫（$58）又係有驚喜，好夠氣，夠凍，同時茶味勁，真係飲得出佢提到嘅材料，又唔會十分甜，正。
最後叫多個甜品🍮港式鴛鴦奶油戚風蛋糕（$58）果然名不虛傳，做茶嘅嘢難佢唔到，茶味繼續出衆，唔死甜，蛋糕實淨有彈性，令人好滿足。
