A. 瘋狂小面瘋狂擔擔面 +牛肉
呢到嘅擔擔麵係乾撈的，非常特別！平時外面嘅都係奉湯上的，如果覺得天氣熱又唔想食有湯嘅麵，可以叫呢款！再撈埋佢哋特製麻醬，又香又麻辣！另外再加咗一份牛肉，佢哋嘅牛肉煮得非常入味，值得額外加一份！
酸辣粉 +牛舌
酸辣湯底香濃入味，薯粉口感煙煙韌韌，而配料非豐富，有勁多肉醬同芫茜，全部都係自己喜愛食嘅嘢！值得一提嘅係辣度可以因應口味調整，出面好多地方都係調好冇得揀辣度！
B.瘋狂飲品同樣揀咗烏梅汁，除咗係夏天必飲嘅飲品之外，而且可以開胃同解辣！飲品氣味芬芳，口感酸甜可人！
C.瘋狂小吃木耳 & 泡椒鳳爪
呢兩款小食非常開胃！
木耳當中有啲蒜頭提味，而泡椒鳳爪味道酸酸辣辣，口感爽脆！
D.瘋狂甜品成都老粉冰
呢款清涼甜品，清淡又帶點甜，中和晒之前食過嘅辣野。入面仲有芝麻丶花生丶糯米丶提子乾，非常豐富！
追加 - 花臉啤酒味道好易入口，香氣柔和，男女都啱飲！
