鐵路便當雖然係黃店
但其實佢名聲都幾差
話老闆marco之前係開人血饅頭既
連登之前都有個和勇不分小朋友po講佢
又睇唔知邊個po講話係大角咀那個既班底開既
呢一點就唔知真定假
不過成日行過都見好多人排隊
咁就去試下
餐廳三點後係落場時間
我就星期日兩點左右黎到唔洗排隊可以直入
1
但門口就已經寫左雞便當已經售罄
入面地方細細
都係得幾張檯
所以都見到唔少外賣
頭頂有好多燈籠
牆身有掛畫同木牌
都叫做有台灣風味既裝修
不過就一直播其他語言既音樂就覺得幾奇怪
二人檯
檯底有籃可以放袋
其實好簡單
但好多餐廳都做唔到
便當選擇唔算多
反而小食種類仲多
每款都有跟唔同醬
我就唔係好肚餓無叫到
背面都有成廿幾款飲品可以揀
跟餐亦都有優惠價
仲有一張係便當簡介
便當用日本珍珠米
除左主菜
亦都好似那個咁有四款每周指定既配菜
上佢社交平台可以見到
其實都真係有d似那個
飲品黎先
芋香奶茶
芋味都夠
而且係手調杯
所以size都夠大
主菜就試下同那個一樣既排骨便當
塊排骨都大塊既
舖得滿個盒
咁當然就無那個咁大
不過比那個好既係已經切好晒
方便食
而且無骨
更脆口
配菜就無那個咁出色
但都算唔錯既
咁餐廳聲稱用既環保便當盒就唔係幾美觀
佢基本上除左餐盤全部都係即棄既
鐵路便當三點落場
都算幾早
見唔少人真係兩點半之後黎到摸門釘既
埋單70蚊
我覺得呢個價位唔錯
有埋手調飲品
而且便當味道都算好
店面雖然細細間
但又唔會迫到無位行
其實係食得過既
我就唔肯定當日接侍果位係咪就係傳說中既marco yeung
但服務都算係正常唔錯既
咁我覺得咁樣正正經經搵食都可以支持下既
