Video
Read full review
2018-02-18
1484 views
新年前梗係要一家人食團年飯，朋友介紹去元朗食火焰雞，時間分6點同8點兩個時段，早段已滿但又唔想太夜，唯有延遲一星期開餐開餐當日下晝老闆會再打嚟問有冇食過，未食過就會介紹下，個煲有蝦、鮮牛肉、豬潤、新鮮雞連內臟，仲有甘蔗、紅棗、雲耳同蟲草花，如果想加料就要當日下晝落單，唔清楚價錢可以開聲問九個人叫咗兩大鍋，每鍋夠4-5人食，朋友提議要加蟹會鮮味啲，但有一半人都病咗，唔想改期先頂硬上，只係叫咗兩隻蟹、兩磅肥牛、皇帝菜、油炸鬼六點前已準時到達，坐戶外打邊爐都幾有風味，食完又唔會成身打邊爐味！未人齊伙計會問幾時到，因開鑊都要過20分鐘先食得，每一鍋倒一支孖蒸再點火，煮既時候真係會有火焰包住，未開蓋已經聞到好香老闆話係食新鮮材料，果然冇呃人，每一樣都食到本身既鮮味，食既時候唔好加咁多水，雞肉海鮮慢慢迫出湯汁，蔗都食埋，最後加個白飯吸收精華，叫埋汽水啤酒埋單每人260有找，真係絕對超值
開餐當日下晝老闆會再打嚟問有冇食過，未食過就會介紹下，個煲有蝦、鮮牛肉、豬潤、新鮮雞連內臟，仲有甘蔗、紅棗、雲耳同蟲草花，如果想加料就要當日下晝落單，唔清楚價錢可以開聲問
九個人叫咗兩大鍋，每鍋夠4-5人食，朋友提議要加蟹會鮮味啲，但有一半人都病咗，唔想改期先頂硬上，只係叫咗兩隻蟹、兩磅肥牛、皇帝菜、油炸鬼
六點前已準時到達，坐戶外打邊爐都幾有風味，食完又唔會成身打邊爐味！未人齊伙計會問幾時到，因開鑊都要過20分鐘先食得，每一鍋倒一支孖蒸再點火，煮既時候真係會有火焰包住，未開蓋已經聞到好香
老闆話係食新鮮材料，果然冇呃人，每一樣都食到本身既鮮味，食既時候唔好加咁多水，雞肉海鮮慢慢迫出湯汁，蔗都食埋，最後加個白飯吸收精華，叫埋汽水啤酒埋單每人260有找，真係絕對超值
Post
