Read full review
2020-09-29
5114 views
生日喎，當然要對自己好啲啦！抽唔到時間去食晚飯咁就食午餐啦。餐廳午市時間係12至3。訂枱嗰陣即刻定12點，話晒都係閒日唔想同人哋迫食飯時間。食飯當日有電話同我再次確認訂枱。去到嘅時候真係一個人都冇㗎，安排咗我哋坐響師傅面前。估唔到我就嘗試左我以前一路都唔食既刺身。師傅枱面已經放好晒好多漬物（有牛蒡、蒜頭粒）我就諗都唔諗要廚師發板😋，老公就揀咗迷你刺身飯加天婦羅餐。首先睇咗老公個餐先啦，個迷你壽司飯都唔迷你㗎，雖然唔確定師傅放咗啲乜嘢魚生，但就有大大粒魚子。啲天婦羅都冇出邊食蘿蔔蓉嘅醬汁俾你，原來咁先係正宗喎🤔，無油林林。之後梗係要講下我嗰個廚師發板啦😃有沙律、漬物同埋前菜。漬物既蒜頭完全唔辣，我忍唔住叫師傅之後加過俾我。而前菜係水母同埋茄子。茄子冇乜特別，水母就有少少爽口，食落去同墨魚差唔多但係就冇墨魚章口嘅感覺。刺身出場。蠔肉爽口，上面放左蠔膽既汁，鮮咸味啱啱好。赤貝，北寄貝，帆立貝，全部師傅都係新鮮切好用毛巾印一印血水（師傅話係佢嘅日本師傅教既）之後放響檸檬片上面。主要話係食佢嘅鮮味。我個人都認為新鮮嘅海鮮，貝類係唔需要搞咁多調味嘅。結果真係食到佢哋嘅鮮甜同埋爽口。同埋舊舊都好厚肉
餐廳午市時間係12至3。訂枱嗰陣即刻定12點，話晒都係閒日唔想同人哋迫食飯時間。
食飯當日有電話同我再次確認訂枱。
去到嘅時候真係一個人都冇㗎，安排咗我哋坐響師傅面前。估唔到我就嘗試左我以前一路都唔食既刺身。
師傅枱面已經放好晒好多漬物（有牛蒡、蒜頭粒）我就諗都唔諗要廚師發板😋，老公就揀咗迷你刺身飯加天婦羅餐。
首先睇咗老公個餐先啦，個迷你壽司飯都唔迷你㗎，雖然唔確定師傅放咗啲乜嘢魚生，但就有大大粒魚子。啲天婦羅都冇出邊食蘿蔔蓉嘅醬汁俾你，原來咁先係正宗喎🤔，無油林林。
之後梗係要講下我嗰個廚師發板啦😃有沙律、漬物同埋前菜。
漬物既蒜頭完全唔辣，我忍唔住叫師傅之後加過俾我。而前菜係水母同埋茄子。茄子冇乜特別，水母就有少少爽口，食落去同墨魚差唔多但係就冇墨魚章口嘅感覺。
刺身出場。
蠔肉爽口，上面放左蠔膽既汁，鮮咸味啱啱好。
赤貝，北寄貝，帆立貝，全部師傅都係新鮮切好用毛巾印一印血水（師傅話係佢嘅日本師傅教既）之後放響檸檬片上面。主要話係食佢嘅鮮味。我個人都認為新鮮嘅海鮮，貝類係唔需要搞咁多調味嘅。結果真係食到佢哋嘅鮮甜同埋爽口。同埋舊舊都好厚肉。
再嚟有蝦，大大隻嘅係牡丹蝦，而響右邊一住咁樣嘅叫做富士山白蝦。師傅建議我先食牡丹蝦再食白蝦。因為白蝦嘅甜味濃過牡丹蝦，如果先食白蝦就食唔到牡丹蝦嘅甜味。而牡丹蝦嗰隻啖啖肉嘅感覺真係唔錯。
之後係鱆紅魚（左上角），師傅用火槍輕輕咁響魚皮位置度燒一燒。食落口嗰陣油脂嘅味道。真係非筆墨可以形容。
之後師傅將啱啱牡丹蝦嘅蝦頭炸返俾我食，咁我就冇漏到濃濃既蝦膏。
再嚟就係秋刀魚，一直都覺得秋刀魚嘅魚味好濃，或者可以用好腥黎形容我嘅感覺。但師傅邀請我試吓，話秋刀魚係而家最時令嘅所以我就膽粗粗咁試吓啦。
果然冇令到我失望，秋刀魚點左佢嘅魚肝醬，點上蔥花同埋芝麻碎真係好好味喎
其後有北海道根室既赤海鮮，大大片配上卜卜脆嘅魚子，嗰啲鹹香真係好惹味。
大拖羅亦都係我再次信任師傅嘅手工而食嘅刺身。同樣地師傅都係用火槍燒過個大拖羅，嗰浸油香味令我完全忘記晒魚腩嗰啲濃濃嘅魚味，而且我終於都明白咩係入口即溶嘅感覺。原來我係食到拖羅㗎😝🤩🥳
最後有佢哋嘅招牌手卷，有芝麻碎、吞拿魚、蔥花，仲有啲脆脆地嘅嘢響入邊。
麵豉湯冇乜特別。甜品係唯一令我失望嘅嘢我期望會見到一個好精緻嘅甜品嘅
全程食飯時間都見到師傅不停開水咁係咁沖野，原來佢哋係整緊魚子啊。佢俾咗一粒我試，完全唔同平時我哋食嘅魚子。一咬落去嘅感覺好似咬緊一舊粉咁。冇口感冇味道。但就係要不停咁沖佢。咁我哋先至會食到新鮮嘅魚子。
我第一次坐響師傅吧枱嗰度，個師傅會不停咁同我講嘢嘅，有佢嘅講解令我食呢餐食得好滿足。亦都嘗試左我從來唔食嘅秋刀魚同埋大拖羅。
會再試啊
美中不足係甜品，以及整個下午勁口渴。
Post
