Video
Read full review
2019-06-04
2583 views
因公事同個parter來個quick lunch，工作餐可以開公司數，經常路過未曾幫襯，就借機會來踩吓線。地方装修得幾靚，乾淨。揾個位坐底，周圍望揾menu之際，有位阿姐板住塊面走過來。由個袋"Fing" 張咭出嚟，淡然一句: 今日食呢D!原來係一張手寫咭，是日午餐menu，碟頭飯+餐湯+餐飲，五蚊幾蚊。咭上寫湯有紅(羅宋)，白(忌廉)同中湯揀。我見今日係忌廉湯係龍蝦湯，就話叫"白"湯，個阿姐重覆強調咗兩次"龍蝦湯嚟架!"，我初時唔太明點解要咁講。個湯嚟到先明白，原來今日個湯唔係白色嘅! 個湯其實幾好飲，仲食到丁丁蝦肉添。飲湯之際先有機會望下玻璃檯下果張menu，有相，但D字真係好細隻，唔起眼。圖多，感覺其實冇乜野揀。午餐我點照燒石斑蟹柳意粉。來到先覺得有伏，點解照燒汁可以燴意粉? 其實佢賣相可以，仲有一片笳子，一片蕃薯(定薯仔)做配菜。不過個意粉配照燒汁感覺似食緊甜版嘅油撈面隔離檯OL 嘅魚旦粉好似仲正。仲有杯餐茶，盛惠$53。至於有冇下次? 隨緣啦!
地方装修得幾靚，乾淨。揾個位坐底，周圍望揾menu之際，有位阿姐板住塊面走過來。由個袋"Fing" 張咭出嚟，淡然一句: 今日食呢D!
原來係一張手寫咭，是日午餐menu，碟頭飯+餐湯+餐飲，五蚊幾蚊。咭上寫湯有紅(羅宋)，白(忌廉)同中湯揀。
我見今日係忌廉湯係龍蝦湯，就話叫"白"湯，個阿姐重覆強調咗兩次"龍蝦湯嚟架!"，我初時唔太明點解要咁講。個湯嚟到先明白，原來今日個湯唔係白色嘅!
個湯其實幾好飲，仲食到丁丁蝦肉添。
飲湯之際先有機會望下玻璃檯下果張menu，有相，但D字真係好細隻，唔起眼。圖多，感覺其實冇乜野揀。
午餐我點照燒石斑蟹柳意粉。
來到先覺得有伏，點解照燒汁可以燴意粉? 其實佢賣相可以，仲有一片笳子，一片蕃薯(定薯仔)做配菜。不過個意粉配照燒汁感覺似食緊甜版嘅油撈面隔離檯OL 嘅魚旦粉好似仲正。
仲有杯餐茶，盛惠$53。至於有冇下次? 隨緣啦!
Post
