Read full review
2018-12-08
8334 views
今晚同朋友去食放題慶祝生日，而食放題想有點水準/保障，首選一定係大喜屋，雖然價錢比旺角放題貴少少，但食物質素的確值回票價。食大喜屋一定要預早訂位，特別星期六日。一入到去職員就帶我地坐底係卡位，都幾鬆動舒適。然後，職員比底一張雪糕紙，話每人可以點一杯貴價雪糕，正！黎食放題第一時間當然係點刺身，呢到既刺身選擇非常之多，而且重點係好！鮮！甜！完全無雪味，特別推介魚油豐富嘅三文魚，肥美甘香嘅劍魚腩，肉質厚實嘅油甘魚，爽口赤貝，同埋非常鮮甜嘅帶子!除咗刺身，呢度絕對回本嘅必選order，一定係海膽手卷，足足encore左3次，飯嘅份量唔多，紫菜即叫即包脆卜卜，重點係海膽超級鮮甜肥美。另外必試嘅，就係呢度嘅壽司，我哋除咗叫創意壽司，仲叫咗一啲火炙壽司同埋軍艦。例如吞拿魚茸軍艦、三文魚親子軍艦、灸燒牛肉，灸燒左口魚，每件壽司飯嘅份量唔大，食晒咁多都唔會覺得好飽，仲可以繼續作戰。最後大喜屋嘅燒物亦都係我嘅最愛，例如鹽燒雞翼，每隻雞翼都會剪開黎燒，保證燒到金黃色，香脆惹味，而且方便食。而另外一樣推介既，就係燒牛舌，牛舌唔會切到非常厚身，薄薄地但非常爽口，配埋黑椒檸檬汁，無得彈。呢間大喜屋嘅性價比真係極高
食大喜屋一定要預早訂位，特別星期六日。一入到去職員就帶我地坐底係卡位，都幾鬆動舒適。然後，職員比底一張雪糕紙，話每人可以點一杯貴價雪糕，正！
黎食放題第一時間當然係點刺身，呢到既刺身選擇非常之多，而且重點係好！鮮！甜！完全無雪味，特別推介魚油豐富嘅三文魚，肥美甘香嘅劍魚腩，肉質厚實嘅油甘魚，爽口赤貝，同埋非常鮮甜嘅帶子!
除咗刺身，呢度絕對回本嘅必選order，一定係海膽手卷，足足encore左3次，飯嘅份量唔多，紫菜即叫即包脆卜卜，重點係海膽超級鮮甜肥美。
另外必試嘅，就係呢度嘅壽司，我哋除咗叫創意壽司，仲叫咗一啲火炙壽司同埋軍艦。例如吞拿魚茸軍艦、三文魚親子軍艦、灸燒牛肉，灸燒左口魚，每件壽司飯嘅份量唔大，食晒咁多都唔會覺得好飽，仲可以繼續作戰。
最後大喜屋嘅燒物亦都係我嘅最愛，例如鹽燒雞翼，每隻雞翼都會剪開黎燒，保證燒到金黃色，香脆惹味，而且方便食。而另外一樣推介既，就係燒牛舌，牛舌唔會切到非常厚身，薄薄地但非常爽口，配埋黑椒檸檬汁，無得彈。
呢間大喜屋嘅性價比真係極高，埋單都係$500左右，同旺角放題價錢差唔多jer!
Post
