・・・・・・・・・・・・・・・・・・・・
按好食及推薦程度排行：
🍽️ 燒蘇格蘭蟶子皇 HK$68/1
・味道&口感：新鮮彈口，但同時熟得啱啱好，夠軟腍一咬就開！蒜蓉燒一定係不死級好食㗎喇🫶🏻
🍞 燒法式鵝肝多士 HK$88
・味道&口感：雖然小貴但鵝肝嘅鵝油香超重超濃郁，配牛油烤多士，鵝肝軟嫩多士脆口，出色👍
1
🥩 野椒汁燒牛小排（半份）HK$158
・味道&口感：朋友們大愛，三成熟軟嫩重牛脂香燒牛肉，同泰式燒牛肉有得揮，個汁甜甜地但唔知咩係野椒汁XD 係價錢太進取😂
👅 燒特級厚切牛脷 HK$58
・味道&口感：軟熟微彈口，外皮微微焦香，入面粉紅色燒得啱啱好，係接近牛舌芯嘅位置，牛肉香足！
🍎 日本蘋果雪葩 HK$68
・味道&口感：呢個大推！！！！！本波同朋友一致通過👍 exactly係日本蘋果加冰打成雪葩，而且口感好綿密，少少冰粒都冇，冰感都冇，直頭係冇奶嘅蘋果味雪糕！好fresh用嚟為成餐收尾非常好！
🍆 川香肉碎燒茄子 HK$48
・味道&口感：切晒一份份好細心🤣不過唔係一般串燒店燒茄子連埋醃料一齊燒，係燒完茄子再另上醃料，食菇冇咁油嘅。醃料都唔係齋蒜蓉，仲加埋好似照燒汁咁甜甜地嘅肉碎同蔥粒，香口惹味！
🍳 黑松露燒腐皮溫泉玉子 HK$36
・味道&口感：呢個口感幾有趣又好食，腐皮包住溏心蛋配香濃黑松露，不死的好味！
🍡 日本燒雞胸軟骨串 HK$26
・味道&口感：卜卜脆軟骨串釀咗肚胸肉，配黑椒燒得好焦脆，穩陣之選。
🍇 燒豚肉青提卷 HK$32
・味道&口感：焦脆冇羶味黑椒豚肉，青提子juicy爆汁，中和咗豚肉油膩感，比起出面得荔枝嚟講更特別，而青提冇荔枝咁甜，同豚肉平衡得幾好！
🐖 燒豬頸肉 HK$38
・味道&口感：同樣係焦脆外皮，不過冇咁多脂肪，整體OK～
🍫 燒朱古力窩夫 HK$38
・味道&口感：佢係雪糕三文治，只係外皮係窩夫皮XD 不過朱古力雪糕唔算好甜，濃郁朱古力香，中間仲有一層半朱古力流心醬，雙重朱古力微甜唔漿口，係滿足嘅甜品🥰
🐠 燒鮮白鱔 HK$48
・味道&口感：燒到好焦脆但略嫌唔夠魚脂魚油嘅香味，不過冇骨啖啖肉而且唔乾身，OK der～
🍲 壽喜燒牛肉鍋 HK$98
・味道&口感：正常發揮嘅壽喜燒，鍾意佢個湯底調得啱啱好，唔會偏甜或鹹，toppings畀得好闊綽🤭！牛肉、腐皮、豆腐、大蔥、冬菇、娃娃菜，全部都索晒湯底，正👍🏻
1
🧀 燒黑豚芝士五花腩 HK$38
・味道&口感：五花腩唔夠肥XD 但芝士搭夠，邪惡好食！
🐽 香蒜蔥油燒黑豚肉五花腩 HK$38
・味道&口感：同樣五花腩唔夠肥XD 蔥油都還好，重口味人士覺得唔夠味！
🍺 鮮青檸梳打酒 HK$58
・味道&口感：青檸味同汽都唔多夠，係夠凍囉XD，可以多少少青檸汁欸～
・・・・・・・・・・・・・・・・・・・・
🤰性價比：高～
🤰9衝度：9衝～
🤰結論：海鮮、牛肉類、甜品都大推，環境舒服仲有乾淨廁所，聚會可選！
・・・・・・・・・・・・・・・・・・・・
1
