馬哥孛羅咖啡廳

今次呢個自助早餐係staycation嘅其中一部分。事緣我前一日check-in嘅時候已經講咗係朝頭早09:00至10:00食早餐，但當我九點準時去到餐廳嘅時候竟然話無位要係出面等本身餐廳外面空間唔係好大，唔適宜太多人等位，但當時最少有20多人聚集係外面等。最後經理安排咗其中十幾人去隔離 gateway食，我哋再等咗大概20分鐘先入到去食不過入面嘅嘢食係幾多選擇，基本嘅都有，最好食係個炒蛋同煙肉，甚至連壽司都有不過我唔係幾敢食因為望落唔係好新鮮。