Read full review
2017-08-11
3045 views
早上十一點半嚟到，入面滿晒人，連走道都擠滿咗伙記、拎點心嘅客同要俾錢嘅客。好彩有一枱人走，我先有位入。店內本地客佔一半左右，中國客為第二大宗，最後有幾個日本人，揸住旅遊書咁入嚟，然後俾入面嘅亂況大為驚嚇，手都震埋。伙記極忙，坐底咗七八分鐘先有人執枱同開茶。枱抺得唔乾淨，同枱嘅日本客決定要自己抺。點心會不斷出爐，眼見入面有阿叔包緊蝦餃。而點心出爐時，點心阿哥會大叫，其中會隨意加插佢嘅幽默感，例如“叉燒包呀叉燒包，食咗會發達呀”，或者“燒賣蝦餃，蝦餃食燒賣，燒賣食蝦餃呀喂”之類，幾有“特色”。拎點心又係另一段挣扎。太多人，自己拎又太熱。啲阿姐完全用廣東話同日本客溝通，但係又唔知點解溝通到，就好似去法國啲人死都要同你講法文咁，真係介乎於法國同旺角嘅詩意。點咗以下三樣嘢：出名嘅流沙包果然名不虛傳，新鮮出爐，一咬就流沙俾你睇，內涵香濃而且真係有沙沙哋嘅口感。其實十年前普通街邊茶樓好多都做到呢種質素，但係今時今日可能大家都同廠拎貨，間間啲流沙包都差唔多唔識流沙。呢個包唯一嘅complaint就係甜咗少少。另外要咗個金錢肚，普普通通，口感徧軟，唔算差。仲有個蝦餃。有啲失望。皮厚而且包得唔實，易散。入
店內本地客佔一半左右，中國客為第二大宗，最後有幾個日本人，揸住旅遊書咁入嚟，然後俾入面嘅亂況大為驚嚇，手都震埋。
伙記極忙，坐底咗七八分鐘先有人執枱同開茶。枱抺得唔乾淨，同枱嘅日本客決定要自己抺。
點心會不斷出爐，眼見入面有阿叔包緊蝦餃。而點心出爐時，點心阿哥會大叫，其中會隨意加插佢嘅幽默感，例如“叉燒包呀叉燒包，食咗會發達呀”，或者“燒賣蝦餃，蝦餃食燒賣，燒賣食蝦餃呀喂”之類，幾有“特色”。
拎點心又係另一段挣扎。太多人，自己拎又太熱。啲阿姐完全用廣東話同日本客溝通，但係又唔知點解溝通到，就好似去法國啲人死都要同你講法文咁，真係介乎於法國同旺角嘅詩意。
點咗以下三樣嘢：
流沙包
53 views
0 likes
0 comments
流沙包之流沙
74 views
0 likes
0 comments
出名嘅流沙包果然名不虛傳，新鮮出爐，一咬就流沙俾你睇，內涵香濃而且真係有沙沙哋嘅口感。其實十年前普通街邊茶樓好多都做到呢種質素，但係今時今日可能大家都同廠拎貨，間間啲流沙包都差唔多唔識流沙。呢個包唯一嘅complaint就係甜咗少少。
金錢肚
70 views
0 likes
0 comments
另外要咗個金錢肚，普普通通，口感徧軟，唔算差。
蝦餃
73 views
0 likes
0 comments
仲有個蝦餃。有啲失望。皮厚而且包得唔實，易散。入面太咸，而且蝦唔夠爽口。
總結：整體而言都抵試，淨係食個流沙包都興奮哂，同時又可以感受下地痞嘅本土風味。
Post
