Read full review
2019-02-15
2741 views
今晚終於都等到個大忙人同我補祝番個生日,唔係佢安排,我都唔知道科學館對面既珀薈酒店有間頂層靚view餐廳。呢間餐廳地方雖然唔大,只係得幾張枱,但係座位舒服唔逼夾,而且環境清幽,仲有個迷人維港景timMenu呢度除左可以單點之外,仲有套餐,而今晚個set dinner就主打意大利菜,包括頭盤、餐湯、意粉、主菜、甜品同埋餐飲,價錢就每位$398起,係呢區黎講都算抵食係未正式開始晚餐之前仲有新鮮熱辣既餐包配番茄醬timMini Burrata 打頭盤既就係呢個burrata,其實佢係水牛乳製成既乳酪,味覺醇香,豐富而且濃郁,配麵包一流Zuppa di Verdura跟住既餐湯就係意大利雜菜湯,足料而且夠味,飲完仲開胃timTonnarelli al Nero di Cappa Santa之後就有客迷你既蒜香帶子墨汁意粉,帶子厚身有嚼口,意粉爽口彈牙,係略嫌份量太少Cacciucco 到主菜係可以3選1,而我就揀左呢個需要加$68既燉海鮮啦,係海鮮上枱之後,店員就會加d龍蝦湯落去碟海鮮度,咁樣就會更加鮮味。而呢個main係有大蝦、青口、帶子、蜆肉,再配個蒜蓉包既。首先大蝦新鮮,肉質彈牙,至於其
呢間餐廳地方雖然唔大,只係得幾張枱,但係座位舒服唔逼夾,而且環境清幽,仲有個迷人維港景tim
Menu
呢度除左可以單點之外,仲有套餐,而今晚個set dinner就主打意大利菜,包括頭盤、餐湯、意粉、主菜、甜品同埋餐飲,價錢就每位$398起,係呢區黎講都算抵食
係未正式開始晚餐之前仲有新鮮熱辣既餐包配番茄醬tim
Mini Burrata
打頭盤既就係呢個burrata,其實佢係水牛乳製成既乳酪,味覺醇香,豐富而且濃郁,配麵包一流
Zuppa di Verdura
跟住既餐湯就係意大利雜菜湯,足料而且夠味,飲完仲開胃tim
Tonnarelli al Nero di Cappa Santa
之後就有客迷你既蒜香帶子墨汁意粉,帶子厚身有嚼口,意粉爽口彈牙,係略嫌份量太少
Cacciucco
到主菜係可以3選1,而我就揀左呢個需要加$68既燉海鮮啦,係海鮮上枱之後,店員就會加d龍蝦湯落去碟海鮮度,咁樣就會更加鮮味。而呢個main係有大蝦、青口、帶子、蜆肉,再配個蒜蓉包既。首先大蝦新鮮,肉質彈牙,至於其他既貝殼類都同樣鮮味冇窮,互相輝映
Affogato
最後出場既係意大利傳統甜品-Affogato,即係將意式濃縮咖啡加落個Vanilla雪糕上面,濃郁微苦既Espresso加落去綿密香甜既雪糕度,一冷一熱,冇諗過可以咁perfect match
Post