煮意

Open Now

Now Closed

舖面細細，但出品精細。我勁愛食魔鬼魚，所以見雜誌介紹呢間有新鮮魔鬼魚食，特地走去試試，是晚非常滿足，我哋叫咗：-1。燒魔鬼（中）2份，因為實在太好味了，所以食完一份再叫多份　 醬汁酸辣適中，野味，能帶出魚嘅鮮味，魚肉嫩滑，無骨。2。白酒煑蜆，鮮甜，老板送法國面包點白汁，美味無窮。3。香草燒青魚，新鮮無魚鯹味，唔干多汁。4。香草燒大蝦，好新鮮彈牙，香草合到好處。5。煙鴨胸天使面，用白酒煑蜆剩餘嘅白汁煮，酒香+蜆肉嘅鮮味，一流6。串燒安格士牛柳粒二串，老公話正（因為我已好飽了）結論，各樣都好好食，唯一就係肉類比較少，但專食海鮮就一流，夠新鮮。價錢平宜，服務周到~哈哈哈，我最愛門口有錶位，可以泊車~