2
0
0
Level1
1
0
2019-09-17 782 views
老朋友喺外國黎香港幾日,約咗佢喺灣仔食個Lunch見吓面。記得上次我地見面時,我地去咗灣仔嘅Delaney’s ,可惜幾年前已經close咗,但意外地我地發現原來Delaney’s最近喺灣仔嘅華美粵海酒店重開,所以決定試一試新店。去到酒店,搵唔到酒吧入口。原來酒吧位於酒店地庫,要由酒店正門進入,再跟指示牌落地庫。一踏入酒吧,就立即有人招呼我地。酒吧環境舒適,目測大概有70個位左右。我地黎到酒吧時,大概坐滿一半客人,之後食緊嘅時候就漸漸多人,但都應該唔需要等位。侍應算有禮貌亦有效率,我地一坐低就送上凍水或暖水。我地點咗兩個set lunch,頭盤可揀湯或沙律,主菜有四款選擇。因為我地想食魚同埋肉,所以我地點咗最貴嗰兩款。頭盤好快就送上,我地要咗一份湯同埋一份沙律。蕃茄紅蘿蔔湯一入口好creamy,味道帶少少甜,好好。菠菜沙律好新鮮,菠菜仲好脆口。唯一美中不足,就係個湯係無伴隨麵包,不過我都認為可接受。主菜方面,我地叫咗三文魚同埋烤豬扒。三文魚煮得剛剛好,非常好食。烤豬扒亦都唔錯,配埋薯蓉同蔬菜,蘋果醬亦好味。餐飲方面,我揀咗薄荷茶,而我朋友就叫咗果汁(當然唔係鮮榨),都OK。埋單連埋加一
Read full review
老朋友喺外國黎香港幾日,約咗佢喺灣仔食個Lunch見吓面。記得上次我地見面時,我地去咗灣仔嘅Delaney’s ,可惜幾年前已經close咗,但意外地我地發現原來Delaney’s最近喺灣仔嘅華美粵海酒店重開,所以決定試一試新店。
去到酒店,搵唔到酒吧入口。原來酒吧位於酒店地庫,要由酒店正門進入,再跟指示牌落地庫。一踏入酒吧,就立即有人招呼我地。酒吧環境舒適,目測大概有70個位左右。我地黎到酒吧時,大概坐滿一半客人,之後食緊嘅時候就漸漸多人,但都應該唔需要等位。侍應算有禮貌亦有效率,我地一坐低就送上凍水或暖水。
我地點咗兩個set lunch,頭盤可揀湯或沙律,主菜有四款選擇。
157 views
0 likes
0 comments

因為我地想食魚同埋肉,所以我地點咗最貴嗰兩款。頭盤好快就送上,我地要咗一份湯同埋一份沙律。蕃茄紅蘿蔔湯一入口好creamy,味道帶少少甜,好好。菠菜沙律好新鮮,菠菜仲好脆口。唯一美中不足,就係個湯係無伴隨麵包,不過我都認為可接受。
蕃茄紅蘿蔔湯
30 views
0 likes
0 comments

頭盤 -- 菠菜苗沙律
41 views
0 likes
0 comments

主菜方面,我地叫咗三文魚同埋烤豬扒。三文魚煮得剛剛好,非常好食。烤豬扒亦都唔錯,配埋薯蓉同蔬菜,蘋果醬亦好味。餐飲方面,我揀咗薄荷茶,而我朋友就叫咗果汁(當然唔係鮮榨),都OK。
烤三文魚柳配飯
38 views
0 likes
0 comments

蘋果醬烤豬扒
25 views
0 likes
0 comments

埋單連埋加一,每人一百蚊多少少,我覺得好值。員工整體服務好好,我地走時亦有同我地講再見。可惜我朋友即將離港,否則一定會同佢再黎。不過我自己就一定會再幫襯。
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2019-09-12
Dining Method
Dine In
Spending Per Head
$130 (Lunch)
Recommended Dishes
蕃茄紅蘿蔔湯
頭盤 -- 菠菜苗沙律
烤三文魚柳配飯
蘋果醬烤豬扒
  • 烤三文魚柳