鴻啤啤串燒 (Closed)

呢幾日都約咗我死黨周圍食下野🤦🏻‍♂️ 順便傾吓一齊搞小生意，前幾日試咗呢間，感覺幾唔錯👍🏾 先講佢環境，店舖唔算大，但係座位好闊，坐得幾舒服！食物都是有質素，先講我推介嘅熊本一口和牛粒，燒得好到位，除咗仍然保留肉汁之外，一口一口好足味… 其實好啱送飯識，我覺得佢份量唔算好多，我三兩啖就清咗，真係幾好味！ 咁鍾意食牛嘅我又點少得叫埋燒特級牛舌芯！聽個名就已經好想嗌嚟食，牛舌算大件👍🏻 而且入口即溶，我自己覺得比和牛粒更好食😆😆😆我哋仲叫咗呢度好出名，係是日推介嘅秘製蒜蓉聖子王👍🏻 賣已經好得，燒得好好食，蒜蓉汁滲落聖子，聖子新鮮又爽口，幾特別又好食，呢個我都推介🙋🏻‍♂️