燒蝦蝦 (興泰大廈) (Closed)

平時放假無活動 心心念念想食蝦😍就同屋企人去咗近近地好就腳嘅屯門 食流水蝦放題🥰而且午市嘅價錢一啲都唔貴 $300可以食足3小時！！而且呢度大人小朋友都岩玩 家長可以帶小朋友過嚟體驗夾蝦嘅樂趣🙌🏻😍海鮮好新鮮 有啲仲係店員即開tim 溫馨提示 鮑魚一定要去殼先好燒 好似我哋咁樣 未拆殼就燒 會無啦啦‘bom’一聲 嚇親我哋🙈呢度嘅醬料真係各式各樣 將牛油蜜糖茶落麵包度燒 真係一個唔錯嘅選擇🔥！除此之外 見到出邊有煉奶、沙律醬、蛋黃醬、麻醬等 要來整沙律同窩夫 真係我呢啲好鍾意食醬汁既人嘅天堂🤣最貼心係連樽裝水都有😂飲品嘅款式都好多！食埋個甜品就啱啱好啦 三個鐘頭真係好滿足🥰