簡直係好食到唔知點講
首先大家都食過好多間雲吞麵
但真正好食嘅又有幾個？
大家都聽過麥奀個啲
但麥文記真係走在香港顛峰
麵質無得頂 以前已經聽過佢啲麵係自己打嘅
彈到好爽 真係食落唔係人咁品
食完我已經一星期都要食一獲（至少）
湯底哩個真係要飲哂見埋碗底以視尊重
湯底基本嘢大地魚
但又邊間咁有心機
大地魚骨烤完再磨粉入湯 蝦殼等等
工序超煩 但真係食到佢嘅心機
質素
話明細蓉 咁當然要講埋佢靈魂
雲吞啦！
雲吞佢選蝦真係有料到
成舊雲吞個種蝦味濃到爆
肉質係好入 個種一咬就上癮嘅味道
皮做到好薄 好正
另推介返要食下佢個蠔油
點下菜 好好食 佢啲蠔油嘅蠔味勁濃
有別於一般出面買嘅蠔油
仲要係1$一碟 抵試
